Arsyet kryesore për të zgjedhur Shkollën Ndërkombëtare Montessori të Shqipërisë për fëmijën tuaj

1. Fëmija qendër e të nxënit: programi ynë fokusohet tek fëmija, jo tek mësuesi. Klasat tona janë të përgatitura posaçërisht për të nxitur çdo fëmijë për t’u bërë pjesë aktive e eksperiencës së të mësuarit.

2. Staf ndërkombëtar i kualifikuar me përvojë të gjerë për të plotësuar nevojat individuale të çdo fëmije, duke përdorur materialet zhvillimore që bazohen në Metodën Montessori.

3. Mjedis i sigurtë mësimi: mendimi ynë kryesor është, natyrisht, siguria e fëmijëve. Fëmija juaj do të ndihet i sigurt dhe i qetë.

4. Objekte të reja: ne krenohemi me dizajnin unik të shkollës tonë i cili rrit aftësinë për të mësuar përmes formës dhe funksionit.

Misioni i shkollës

Edukimi paqësor
Shkolla Ndërkombëtare Montessori e Shqipërisë është themeluar në vitin 2008 dhe misioni i saj është Edukimi për Paqe.
Pse një mision i tillë? Sepse ne kemi nevojë për Paqe në Shqipëri... Paqe në zemrat dhe në mendjet tona, Paqe në trupin tonë... ne kemi nevojë të dimë si të ndërtojmë Paqen... si të gjejmë rrënjët e konflikteve dhe si të kanalizojmë energjitë në një mënyrë pozitive.
Ka shumë diskutime sot në botë në lidhje me mungesën e paqes dhe harmonisë. Ne si kulturë, po fillojmë të shqyrtojmë shkaqet e mundshme të trazirave të tilla dhe dhunës, duke përballur sfidat gjithnjë e në rritje për të gjetur zgjidhje që të mund të ndryshojnë rrjedhën e shkatërrimit.
Maria Montessori, mbi 80 vjet më parë, e shikoi me mprehtësi zgjidhjen e këtij problemi. Ajo pohoi se fëmijët janë shpresa e Paqes për botën dhe se ne duhet të mësojmë t’i edukojmë ata në një mënyrë të tillë që ata të jenë në gjendje të zhvillojnë potencialin e tyre si qenie njerëzore dhe të na zbulojnë embrionin "shpirtëror" të njerëzimit. Zbulimi i këtij embrioni "shpirtëror" brenda fëmijës është fokusi kryesor i Edukimit për Paqe.
Edukimi për Paqe konsiston në sigurimin e mundësive dhe eksperiencave për fëmijët në mënyrë që ata të kuptojnë thelbin dhe qasjen e tyre shpirtërore, që është burimi i paqes brenda vetes. Më tej ky edukim ofron mundësinë që përvojat e tyre të lidhen në mënyrë harmonike me ambientin, njerëzit dhe kulturat e tjera.
Edukimi për Paqe fillon me mjedisin e pazhvilluar, ku fëmijët nëpërmjet edukimit delikat të të rriturve, hyjnë në kontakt me paqen e tyre të brendshme dhe mësojnë të lidhen në harmoni me të tjerët. Nga kjo mikropërvojë fëmijët do të kenë mjetet dhe mirëkuptimin që të jenë në gjendje të pranojnë dhe lidhen në harmoni me të gjithë njerëzit dhe mjedisin e kësaj bote. Edukimi për Paqe është edukimi i jetës brenda fëmijës dhe i ndihmon ata të mësojnë se si të lidhen në mënyrë harmonike me jetën jashtë.

1. Përgatitja për Edukimin për Paqe

Që Edukimi për Paqe të jetë efektiv, janë të nevojshme përgatitjet e mëposhtme:
• Mësuesi fillon një proces të vetëdijes së brendshme dhe transformimit "... të pastrojë zemrën e saj dhe ta bëjë atë të mendojë dhe veprojë për fëmijën". Mësuesja bëhet një model i paqes, respektit, përulësisë, dashurisë së pakushtëzuar si dhe pranimit për të gjithë fëmijët.
• Asistentet në klasë punojnë mbi zhvillimin e cilësive të Paqes në mënyrë që ata të mund ta kuptojnë më mirë si të inkurajojnë zhvillimin e paqes dhe harmonisë tek fëmijët.
• Mjedisi në klasë është i përgatitur me kujdes për të plotësuar nevojat që shpalosin fëmijët, për t’i tërhequr ata nga ana estetike dhe për të reflektuar një ndjenjë dashurie, respekti dhe paqeje. Pasi fëmija përfshihet në një aktivitet, ai kalon nëpër faza të thella përqendrimi dhe rrjedhimisht ka potencialin për arritjen e stadit më të lartë të paqes së brendshme.
• Fëmijët përgatiten për Edukimin për Paqe duke vendosur një ton paqësor dhe të vetëdijshëm. Kjo arrihet duke u fokusuar mbi "paqen e tyre të brendshme”, qëllimin e tyre për të qenë në shkollë, duke vendosur rregullat bazë për paqen, duke inkurajuar respekt për çdo gjë në ambjent dhe prezantimin e "Lojës së Qetësisë", ku fëmijët praktikojnë vetëkontrollin e lëvizjeve për të ndjerë paqen e tyre të brendshme.

2. Paqja – Vetëdija Individuale dhe Përqendrimi

Ndërkohë që fëmijët bëhen të vetëdijshëm se si trupi, mendja, emocionet dhe shpirti i tyre ndërlidhen me njëri-tjetrin, ata fillojnë të perfeksionojnë përdorimin e trupit, mendjes dhe emocioneve në mënyrë që shpirti dhe potenciali i tyre ta ketë më të lehtë të manifestohet.

• Trupi: Pasi fëmijët bëhen të ndërgjegjshëm për rëndësinë dhe ndërveprimin e aspekteve të ndryshme të trupave të tyre, ata fillojnë të zhvillojnë më shumë vlerësimin, si dhe mësojnë se ata mund të kenë kontroll mbi gjendjet e tyre mendore, emocionale dhe shpirtërore përmes kujdesit dhe përdorimit të vetëdijshëm të trupave të tyre. Fushat e përfshira në këtë concept janë: pjesë të trupit, strukturën skeletore, muskujt, organet, sistemet e brendshme (p.sh. të frymëmarrjes, sistemin e tretjes së ushqimit, etj.).

• Mendja: Pasi fëmijët bëhen të vetëdijshëm se si funksionon mendja ata fillojnë të punojnë në mënyrë aktive, krijuese, dhe të vetëdijshme me të. Fushat e fokusuara për mendjen përfshijnë: vetëdijen e ndijimit, procesin e të mënduarit, imagjinatën dhe kreativitetin.

• Emocionet: Pasi fëmijët bëhen të vetëdijshëm për gjendjet e tyre emocionale dhe si këto gjendje ndikohen nga trupat dhe mendjet e tyre, ata fuqizohen në aftësinë e tyre për të punuar në mënyrë konstruktive me emocionet e tyre. Fushat e fokusuara për emocionet janë: identifikimi i gjendjeve emocionale, shprehja e ndjenjave, pranimi i ndjenjave, kuptimi i lidhjes mendje - emocion, etj.

• Shpirti: Pasi fëmijët bëhen më të ndërgjegjshëm dhe provojnë të ndjejnë dashuri brenda vetes, Paqe, ata fillojnë ta shfaqin atë në aspekte të tjera të jetës së tyre. Një vetëdije e re e Paqes rritet mes fëmijëve, dalin idetë krijuese, bashkëndarja ndodh më natyrshëm, bashkëpunimi është më i shpeshtë dhe dashuria shprehet më lirisht, ka spontanitet dhe gëzim me bollëk - një "fëmijë i ri" lind. Fushat e fokusuara për shpirtin përfshijnë: festimet, ritet, mundësitë për të "dhuruar," qartësimin mbi vlerat , edukimin e zemrës (vetëdija për cilësitë pozitive, si për shembull, kurajo, mirëkuptimi, durimi, sinqeriteti, etj.).

3. Harmonia – Marrëdhëniet e ndërsjellta dhe Komuniteti

• Besimi: Ky është qëndrim dashurie i cili dëshiron të provojë e të rrezikojë të hapet ndaj mundësisë të bashkimit me jetën. Fushat e fokusuara përfshijnë: ushtrime besimi, histori që përfshijnë besimin, premtimet, të vërtetën, ndershmërinë, dhe pajisjen me dashuri të pakushtëzuar ndaj fëmijëve.

• Sinqeriteti: Pasi fëmijët zhvillojnë besimin dhe ndjehen mirë, ata fillojnë të ndajnë mendimet dhe ndjenjat e tyre me të tjerët dhe rrezikojnë në sfida të reja. Fushat e fokusuara përfshijnë: aftësinë në komunikim, mesazhe që përcaktojnë këndvështrimin personal dhe ndjeshmëria në aftësinë për të kuptuar, aftësitë në zgjidhjen e konflikteve, qartësimi mbi vlerat dhe ofrimin e modeleve autentike të të rriturve të gatshëm të lidhen ngushtë me fëmijët.

• Kuptueshmëria: Pasi fëmijët ndjehen të pranuar për atë që ata janë dhe atë çfarë ata ndjejnë, ata zhvillojnë një vetëvlerësim pozitiv dhe janë në gjendje të manifestojnë potencial gjithnjë e më të madh. Fushat e fokusuara përfshijnë: ushtrime vetëvlerësimi, ushtrime vlerësimi, nderimin e punës krijuese dhe sigurimin e mundësive për njohjen e arritjeve dhe zhvillimin krijues të talenteve (dmth lojra teatrore, programe, projekte, etj.).

• Ndërvarësia: Sa më të lumtur të jenë fëmijët me veten, aq më të prirur janë ata të shprehen dhe të bashkëveprojnë për të bashkëpunuar me të tjerët. Me rritjen e besimit në vetvete të fëmijës, aftësia e tyre për qënë të ndërvarur dhe pjesë e një komuniteti, rritet gjithashtu. Fushat e fokusuara përfshijnë: ofrimin e mundësive që fëmijët të planifikojnë dhe të kryejnë projekte të veçanta dhe veprimtari të tilla si festat fetare, festat dhe festimet, duke eksploruar nevojat e njeriut, orët e periudhave, vijat e historisë, etj. Nga një ndjenjë komuniteti apo ndërvarësie, fëmijët mund të shikojnë për një kohë të shkurtër, me një shkallë zvogëlimi, bashkimin e të gjithë njerëzve. Nga kjo përvojë, ndoshta niveli i tyre i besimit do të rritet dhe ata do të ngrihen në lartësi më të madhe të hapjes, kuptueshmërisë dhe ndërvarësisë.

4. Ndërgjegjësimi Kulturor dhe Mjedisor - Vizioni Global i Paqes dhe Harmonisë

Pasi fëmijët bëhen më të vetëdijshëm për paqen e tyre të brendshme ata mësojnë të lidhen në harmoni me të tjerët, të fillojnë të zhvillojnë ndjeshmërinë dhe vetëdijen për njerëzit e kulturave të tjera dhe mjedisin global.

• Ndërgjegjësimi kulturor: të mësuarit për të pranuar dhe vlerësuar dallimet e kulturave të tjera është vendimtare për zhvillimin e Paqes në botë. Fushat e fokusuara përfshijnë: eksplorimin e vendeve të origjinës, vëmendje ndaj nevojave të të gjithë njerëzve, vëmendje ndaj ngjashmërive dhe vlerësimin e dallimeve, eksplorimin e kulturave të ndryshme, përvojat kulturore, gjuhët e huaja, festat dhe kremtimet e kulturave të tjera.

• Ndërgjegjësimi mjedisor global: të mësuarit dhe të qenit të ndjeshëm ndaj nevojave të mjedisit të Tokës dhe jetesa në harmoni me to janë vendimtare për paqen në botë. Fushat e fokusuara janë: vëmendja për nevojat e tokës, ujit, ajrit, bimëve dhe kafshëve, eksperimente shkencore për të zhvilluar ndjeshmërinë ndaj ekuilibrit delikat të mjedisit, projekte për të ndihmuar mjedisin, prezantime, etj.

Stafi


Eva Gugu

Drejtoreshë e Shkollës, në Sh.N.M.Sh. që prej gushtit 2009

Diplomuar në Filozofi dhe Pedagogji e Shkenca edukimi në Universitetin “La Sapienza” të Romës, bie në kontakt me idetë dhe vizionin pedagogjik të Dr. Maria Montessorit.
I kushton temën e diplomimit metodës Montessori dhe mundësive që ajo ofron për edukim mbi zhvillimin afatgjatë në Shqipëri, punë që në maj 2009 cmohet nga Enti Kombetar i Metodës Montessori në Romë si tema më e mirë e diplomës mbi mendimin dhe punën e Dr. Montessorit në universitetet italiane.
Kryen kursin dhe merr Diplomën e metodës Montessori për shkollën fillore.
Ka punuar si koordinatore pedagogjike në shkollën “Imelda Lambertini” në Elbasan dhe si lektore në Universitetin “Zonja e Këshillit të mirë”.
Çështja e edukimit në Shqipëri përbën një nga prioritetet e jetës së saj profesionale.

Annie Odean

Daniella Ortega

Marsida Xhija

Marinela Çelmeta

Programi Montessori 3 – 6 vjeç

1. JETA PRAKTIKE DHE SJELLJA NE SHOQERI

• Ushtrime të jetës praktike dhe të kujdesit për mjedisin. Jeta praktike dhe kujdesi për vetveten. Jeta praktike në marrëdhëniet shoqërore.
• Lëvizjet e hollësishme dhe kontrolli i dorës.
• Ushtrime lëvizore që përcaktohen nga nevoja për koordinim dhe kontroll psikomotorik.
• Derdhjet nga njëra enë në tjetrën.
• Ushtrimi i qetësisë.
• Ushtrimi i ndjekjes së vijës eliptike në tokë.

2. EDUKIMI SHQISOR

• Edukimi i shqisës së të parit: përmasat, format, ngjyrat; edukimi i shqisës së të dëgjuarit: zhurmat dhe tingujt; edukimi i shqisës së të prekurit: ndjesia barike, termike, stereonjostike (dallimi i gjërave vetëm nëpërmjet të prekurit); edukimi i shqisave të të shijuarit dhe të të nuhaturit;
• mësimi në tre kohë;
• trajnimi shqisor: zhvillime dhe rafinime të mëtejshme;
• kujtesa muskulore;
• tingujt dhe lëvizja.

3. ZHVILLIMI I AFTESIVE GJUHESORE

• Emërtimet e klasifikuara. Pasurimi dhe përvetësimi i gjuhës
• Lojra gjuhësore për të zbuluar funksionin logjik, komunikues dhe gramatikor të gjuhës.
• Përgatitje e drejtpërdrejtë dhe jo e drejtpërdrejtë për shkrimin. Analiza e tingujve. Shpërthimi i shkrimit. Përsosja: kaligrafia, ortografia, formimi i fjalëve.
• Shpërthimi i leximit: nga fjala në fjali. Loja e urdhrave. Gramatika si përgatitje për leximin global. Lojëra gramatikore që shfrytëzojnë intuitën: funksioni, pozicioni, simboli i secilës pjesë të ligjëratës.
• Kutitë gramatikore; tabela e parë për analizën logjike (materiali i palëvizshëm dhe ai i lëvizshëm); tabelat e prapashtasave dhe të parashtesave.
• Libri: leximi, biseda, dëgjimi. Arti i të lexuarit me interpretim. Fjalët e pamjeve.

4. MENDJA LOGJIKO – MATEMATIKORE

• Zhvillimi i bazës shqisore të strukturave rendore dhe abstragimet e materializuara.
• Niveli i parë i numërimit (qeliza bazë e sistemit dhjetor).
• Struktura e sistemit dhjetor: niveli i dytë.
• Shoqërimi sasi - simbole.
• Katër veprimet matematikore: ana e tyre shqisore dhe intuitive.
• Memorizimi i katër veprimeve matematikore.

5. ZGJERIMET KULTURORE

• Koha e Unit dhe koha shoqërore: e shkuara, e tashmja, e ardhmja. Matja e kohës kronologjike. Koha biologjike. Ritmet dhe ciklet e natyrës. Koha e qytetërimit: historia materiale (mjetet, shtëpia, transportet, mjetet e mbrojtjes, etj.)
• Hapësira e Unit. Hapësirat shoqërore. Hapësira dy dhe tripërmasore. Hapësira e përfytyruar. Hapësira e matur. Hapësira e botës: përbërja dhe format (uji, toka, kontinentet, gadishujt, ishujt, lumenjtë, mallet, vullkanet, luginat, etj.).
• Lënda: format dhe gjendjet e saj. Forcat e lëndës.
• Organizmat e gjalla: funksionet dhe nevojat.
• Kozmosi në kopësht: pellgu, kopështi, ferma (etologji dhe studim biologjik i kafshëve dhe i bimëve).
• Gjuha shkencore e natyrës: emërtimet dhe klasifikimet.

5.1. EDUKIMI MUZIKOR

• Zhurmat dhe tingujt në natyrë dhe në supernatyrë; njohje, analizë, përfytyrim (lartësia, timbre, gjatësia, intensiteti, etj.).
• Fëmija ndërtues i tingujve dhe i objekteve tingëllues.
• Tingujt, ritmet dhe lëvizja. Tingulli dhe gjesti; tingulli dhe ngjyra.
• Tingujt e organizuar: analiza dhe riprodhimi i tyre: ninulla, vjersha, rrëfenja muzikore dhe përkthimi i tyre dramaturgjik në grupe të vogla.
• Kori; krijimi i këngëve dhe i orkestrës. Vija historike e instrumentave muzikorë.
• Qetësia dhe dëgjimi. Hyrje në zhanret muzikore.
• Drejt shkrimit dhe leximit muzikor.

5.2. EDUKIM ME ARTIN PAMOR

• Konteksti: edukimi me format, përmasat, ngjyrat. Përbërja e ngjyrave dhe shkallët kromatike.
• Edukimi i dorës, organi lëvizës i shenjës grafike.
• Nga arti i kornizave metalike tek dekorimet me dorë të lirë.
• Format dhe ngjyrat në histori; format dhe ngjyrat në natyrë.
• Vizatimi me dorë të lirë: ndihmat jo të drejtpërdrejta. Vizatimi me dorë të lirë “rrëfen”.
• Shprehja plastike: materiale dhe teknika.
• Dosja personale dhe evolutive e punës piktorike të fëmijës. Muzeu i punëve me dorë.